Муусустардааҕы бырааһынньыктар.

Аан дойдуга Космонавтика күнэ муус устар 12- гэр бэлиэтэнэр.Бу күн космоска аан бастакынан Советскай Союз космонава Юрий Алексеевич Гагарин 1961 сыллаахха көппүтэ,бүтүн Аан дойдуга биллибитэ.Ол курдук, быйыл космоска көтүү 60 сылын бэлиэтээтибит. Хас кылаас аайы кылаас чаастара,уруһуйга куонкурустар ыытылыннылар. Уруһуйга`Космос` куонкурус түмүгүнэн, алын кылаастарга:1миэстэ- Рожина Айза -3кылаас, 2миэстэ-Олесова Кристина-2 кылаас, 3 миэстэ-Петрачук Илона-1 кылаас.Ортоку кылаастарга: 1 миэстэ-Потапов Андрей,2 миэстэ-Рожина Золотина, 3 миэстэ-Петрачук Леонтий 5 кылаас үөрэнээччилэрэ буоллулар. Кыайыылаахтары эҕэрдэлиибит,инникитин өссө да кыттыахтара диэн эрэнэ хаалабыт.
Муус устар 9 күнүгэр кыргыттарга анаан тэрээһин” Kоrеa –Japan fasf “ диэн ыытыллыбыта.Бу тэрээһиҥҥэ кыргыттар икки хамаанданан хайдыһан Корея,Япония фанаттара буолан оонньообуттара.Кыргыттарбыт олус бэртик киэргэммиттэрэ, барыбытын сөхтөрбүттэрэ. Хамаанданан современнай (аныгылыы) үҥкүүнү үҥкүүлээн, бары биир киһи курдук кыттан,улахан дуоһуйууну ылбыттара. Хаартыскаҕа түһэр фотозонаны салайааччыбыт Степанова Жанна Николаевна бэрт сатабыллаахтык оҥорон таһааран,оҕолор хаартыскаҕа түһэн,сөбүлүүр, фанаттыыр, сүгүрүйэр актер уонна аниме дьоннорун ,толору ,бүтүн бэйэлэрин таһаарбыта,кыргыттары астыннарбыта.Бу курдук,кыргыттар наһаа үчүгэйдик сынньанан .бэйэлэригэр анал бырааһынньык оҥорон.үөрэн-көтөн атаардылар.
Муус устар 14 күнүгэр оҕолорго анаан “Охрана труда глазами детей”диэн уруһуй куонкуруһа ыытылынна,ону тэҥэ үлэҕэ аналлаах кылаас чаастара буоллулар.Оҕолор бэрт интириэһиргээниһиттилэр.Уруһуй куонкуруһугар барыта 19 оҕо баҕаран туран кытынна. Куонкурус түмүгүнэн алын кылаастарга : 1 миэстэ-Слепцов Никанор 2 кылаас үөрэнээччитэ,2 миэстэ- Слепцова Виолетта 2 кылаас үөрэнээччитэ, 3 миэстэ-Петров Кирилл 2 кылаас үөрэнээччитэ. Ортоку кылаастарга 1 миэстэ- Петрачук Ярослав , 2 миэстэ- Ефимова Кира, 3 миэстэ- Ефимов Володя 6кылаас үөрэнээччилэрэ буоллулар. Кинилэри биһи эмиэ эҕэрдэлиибит,өссө да кытта турдунар.
Муус устар 17 күнүгэр бөһүөлэкпитигэр бэрт сэргэх сааскы бырааһынньык буолан ааста.Ол курдук ,балык хаптарыытыгар, сээдьэ этиитигэр,хамаанданан күрэхтэр буоллулар. Ону тэҥэ сэргэх концеры көрдүбүт.Депутатскайтан,Уйаандьыттан ыалдьыттар кэлэннэр сэргэхситэнбардылар. “Чебак” күрэххэ оҕолортон элбэх балыгы хаптарда 6 кылаас үөрэнээччитэ Аржаков Леонард,үһүс миэстэ буолла.Иккис миэстэ –А..А. Давыдов, маҥнайгы миэстэ Г.С. Аржакова. буоллулар.Хамаанданан күрэххэ маҥнайгы миэстэ -“Силээннээх ”хамаанда биэс киһилээх буолла, иккис миэстэ “Сайылык” хамаандата, үһүс миэстэ- “Эдэр ыччат” хамаандата эмиэ биэс киһилээх бастаатылар.
Сээдьэ этээччилэр күрэҕэр Гран-При ыллаГоликов Харыскан 9 кылаас үөрэнээччитэ(Депутатскай бөһ.) Улахан дьоҥҥо бастакы миэстэни ылла -Уйаандьыттан ыалдьыт Колесова Елена Ивановна,иккис миэстэ-Лебедева Екатерина Егоровна,үһүс миэстэ- Никулина Галина Юрьевна буоллулар. Оскуола оҕолоругар: 1 миэстэ-Рожин Сергей 6 кылаас үөрэнээччитэ, (Сайылык бөһ.), 2 миэстэ- Никулина Нелли (Депутатскай бөһ.), 3 миэстэ –Петрачук Илона (Сайылык бөһ.).буоллулар. Кыайбыттарга анал сыаналаах бириистэри туттардылар..Кыайыылаахтары истиҥник эҕэрдэлиибит, инникитин өссө да,көхтөөх буолалларыгар баҕарабыт.Бырааһынньыгы киэргэттилэр Уйаандьы ыалдьыттара,эвенскай ансамбль “Гарпанга” уонна Депутатскай бөһүөлэгин “Киэргэ”үҥкүү ансамбла.Кинилэргэ биһиги улахан махталбытын тиэрдэбит.
Сарсыҥҥы күнүгэр, “Арчы” балаҕаҥҥа олохтоох автор,ырыаһыт Саха Республикатын культуратын туйгуна,бастакы “Нэргэт” фольклорнай ансамблы төрүттээччи,салайааччыта Слепцов Иван Петрович-Икэ 75 сааһын бэлиэтээн дьоро киэһэтэ буолла. Манна “Күбэйэ ” ансамбль ырыаһыттара,ыҥырыылаах ыалдьыттар муһуннулар. Иван Петровичка аналлаах элбэх эҕэрдэ тыл ,ырыа,махтал этилиннилэр, биэчэр бэрт сэргэхтик ааста. Иван Петрович ыалдьыттарыгар ис сурэҕиттэн махтанна.
Дьэ,бу курдук бэрт сэргэх үөрүүлээх бырааһынньыктар буолан аастылар.

Биэриини бэлэмнээтилэр “Эдэр куруһуок”суруналыыстара Доланова Иванна,Кычкина Елизавета 8 кылаас үөрэнээччилэрэ.

Пролистать наверх