Студент олоҕуттан лоскуй санаалар

Туох буолуой, күн кииртэ …..
Эйиэхэ мин биирдэ
Кэлбитим ,кыратык хойутаан,
Студент доҕорум,
Эйиигин сөҕөбүн,
Үөрэххиттэн быыс булан күүтэргин.

Бу ырыа тылларыгар сөп түбэһиннэрэн,биһиги сорох студент оҕолору кытта көрсүһэн санааларын атастаһалларыгар көрдьөстүбүт. Кинилэр кыһыҥҥы каникулларыгар кэлэн бврбыттара,сорох оҕолор дистационнай үөрэҕинэн үөрэнэ сылдьаллар. Кинилэргэ биһи маннык ыйытыылары биэрдибит: туох идэҕэ ,ханнык үөрэххэ үөрэнэллэрин, студент олоҕо хайдаҕын, төһө ыараханын, дойдуларын ахталларын туһунан ыйыталастыбыт.

Ол курдук, бэйэтин санаатын атастаһар М.К.Аммосов аатын сүгэр ХИФУ, тыл институтун уонна РФ хотугулуу-илин норуоттар культураларын 1 курс студентката Степанова Аделина. Идэтэ: сервис. Кини бу үөрэҕин талбытын олус сөбүлээбит,идэтин сөпкө талбытыттан үөрэр, ийэлээх – аҕатын,аймахтарын уонна оскуолатын ахтарын, оскуолаҕа үөрэнэрдээҕэр студенныыр ыараханын, ол гынан баран, студент буолар үчүгэйин, киниэхэ элбэх хамсааһын,усулуобуйа, ситиһии баарын, элбэх атын дьоннору кытта билсэрин, доҕордоһорун астына кэпсээтэ. Иккис студенткабыт Аммосова Даяна, кини Якутскайдааҕы медколледж 1 курсугар үөрэнэр. Идэтэ лаборантка.Даяна бу үөрэххэ киирбитин сөбүлээбит, кыратык ыарыргаппыт ол гынан баран, хайаан да, бүтэрэр сыаллаах үөрэнэ сылдьар.”Бу пандемия мэһэй буолан, интириэһинэйэ суох, оттон студент буолар олус үчүгэй, дойдум климатын суохтаабытым “-диэн санаатын эттэ.

Чурапчы колледжгар сварщик үөрэҕэр үөрэнэр студент Олесов Данил: үөрэҕин сөбүлээбитин,студент буолар үчүгэйин, үөрэҕин ыарырҕаппатаҕын,дьоннорун ахтарын кэпсээтэ.Үөрэҕин бүтэрдэҕинэ, көмүс үлэһитэ буолуом диир. Тохсус кылаас кэннитттэн үөрэнэргэ уолаттарга сөптөөҕүн,оттон кыргыттарга ыарахан диэн этэр. Онтон,Санкт-Петербургдааҕы авиационнай институт 3 курсун студентката Климовская Эйда. Идэтэ: пассажирдар айанныылларын тэрийии. Кини ыраах сылдьар буолан,дойдутун,дьонун наһаа ахтарын,үөрэнээччи буолар үчүгэйин уонна оҕолорго сүбэтин этэр: ханна да сырыттаргыт,хайаан да кэпсэтиилээх буолуҥ диэн санаатын үллэстэр.
ЯТХТ студена Ефимов Дмитрий үөрэнэр үөрэҕин ыарахана суоҕун,дьонун ахтарын ,билигин дистационнайынан үөрэнэрин куһаҕан диир,студент олоҕун ситэ үчүгэйдик билэ илигин, ол иһин үөрэнээччи буолар үчүгэйин кэпсиир. “Үөрэнээччилэргэ баҕарыам этэ, таптыыр,сөбүлүүр үөрэхтэригэр киирэллэригэр,”-диэн сүбэтин тириэрдэр. Голиков Эльдар Нам техникумун студена, эмиэ үөрэҕин сөбүлээбитин,наһаа да ыарахан буолбатаҕын, ону тэҥэ аһары чэпчэки буолбатах диэн, дьонун уонна доҕотторун аһары ахтыбытын,студент буолар олус үчүгэйин кэпсээтэ.

Ити курдук.биһиги выпускниктарбыт бэйэлэрин санааларын аһаҕастык үллэстибиттэригэр, биһиги үөрэбит уонна кинилэргэ махтанабыт, үөрэхтэригэр өссө төгүл ситиһиини баҕарабыт. Ханна сылдьыбыттарын иһин, төрөөбүт дойдуларын, оскуолаларын куруук өйдүү-саныы сылдьалларыгар баҕара хаалабыт.

Ааспыт нэдиэлэҕэ РДШ оҕолоругар саамай долгутуулаах күн буолан ааста. Ол курдук, оскуола оҕолоро бэйэлэрин президеннэрин талбыттара. Бу манна 6 кылаастан саҕалаан,10 кылааска диэри оҕолор киирдилэр. Кыра кылаастарга президент Рожин Сергей “Искатели” буолбута,оттон улахан кылаастарга Григорьева Полина “Новаторы”. Уопсай президент кандитатыгар 9 оҕо кыттыыны ылла. Кыттааччылар бэркэ бэлэмнэнэн кэлэн, олус үчүгэй презинтациялары оҥорон,оскуолаларын өссө хайдах сайыннарыахтарын туһунан үчүгэй ис хоһоонноохтук суруйан, кэпсээн көрдөрдүлэр. Куоластааһын түмүгүнэн оскуолабыт президена Григорьева Полина буолла. Кини көмөлөһөөччүлэринэн президент кандитатыгар кыттыбыт оҕолор киирдилэр. Оскуолабыт президенигэр Григорьева Полинаҕа үлэтигэр үрдүк ситиһиилэри баҕарабыт.

 

Биэриини бэлэмнээтилэр “Эдэр суруналыыс” куруһуок чилэннэрэ:
Доланова Иванна, Кычкина Елизавета 8 кылаас үөрэнээччилэрэ.

Пролистать наверх