Үлэ Геройа Аммосова Матрена Ивановна

Усуйаана оройуонун  Силээннээх нэһилиэгин бастакы үлэ Геройа  Аммосова Матрена Ивановна буолар. Кини 1930 с.  кулун тутар  8 күнүгэр төрөөбүтэ. Биэс кылаас үөрэхтээх. Кини дьонноро  кыаммат буолан ,салҕыы Хаһааччыйаҕа  улахан киһи буолан үлэлээн көмөлөспүтэ.Ынах сүөһү ферматыгар үлэлэһэн барбыта. Сэрии бириэмэтигэр 1944 с. холкуос чилиэнэ  буолан 1955 с.диэри ынах- сүөһү ферматыгар маҥнай ньирэй көрөөччүнэн .онтон ыанньыксытынан үлэлээбитэ.Кини үчүгэй үлэтин иһин  мэтээлинэн наҕараадаламмыта.

1955 с. “Социалистическая Яна” холхуоска ,онтон “Усуйаана” сопкуоска кэргэнин кытта  күөх кырсаны  иитэр фермаҕа кыылы иитээччинэн анаммыта.

Матрена Ивановна 1961 с. биир сыллаах курска үөрэммитэ. Курстан кэлбитин кэннэ  кинини фермаҕа старшайынан анаабыттара. Матрена Ивановна кыылы иитиигэ ситиспит уһулуччулаах кыайыытын  партия ,правительство үрдүктүк сыаналаабыта.

ССРС Верховнай советын Президиума 1966 с. кулун тутар 22 күнүнээҕи Ыйааҕынан Аммосова Матрена Ивановнаҕа Ленин уордьанынан уонна “Серп и Молот ” кыһыл көмүс мэтээлин  туттаран туран ,Социалистическай  Үлэ Геройун аатын  иҥэрбитэ.

1961 с. кулун тутар  12 күнүгэр Усуйаана оройуонун үлэлээн иитиллээччилэрэ кыыл иитиитин улахан маастарын Социалистическай  Үлэ Геройун Матрена Ивановна  Аммосованы биир санаанан Саха АССР Верховнай  Советын депутатынан быыбардаабыттара.

Матрена Ивановна Аммосова активнай коммунист,ССКП Саха уобаластааҕы  комитетын чилиэнэ, ыччаттар, оскуола оҕолорун улахан доҕордоро, кэтэһиилээх ыалдьыта, кинилэргэ бэйэтин уустук  үлэтин кэпсиир ,пропагандалыыр этэ. Кини бэйэтэ икки оҕо ийэтэ,сэттэ сиэн тапталлаах эбэтэ этэ.

Матрена Ивановна өр сыл үлэлээбитин тухары элбэх ыччаты үлэҕэ уһуйбута, эдэр ыччат комсомольскай биригээдэлэрин салайбыта.

Матрена Ивановна 9 ыҥырыылаах ССРС Верховнай Советын депутатынан талаллыбыт кэмигэр, кэнники даҕаны үгүс кэпсэтиини оҥорон, туруорсан төрөөбүт нэһилиэгэр элбэх тутууну ыыттарбыта.

Биһиги көлүөнэ  кини оҥорбут , үлэлээбит  үлэтин улаханнык сыаналыыбыт, кининэн киэн туттабыт.

Биэриини бэлэмнээтэ “Эдэр суруналыыс”куруһуогун  чилиэнэ Доланова Иванна,8-с кылаас үөрэнээччитэ.

Пролистать наверх