Күһүн кэлбит бэлиэтэ

Күнүн аайы эбиллэр.

Көмүскэ сууламмыт  сэбирдэх

Көтөн тэлээрэрэ элбиир.

Урут сыл аайы буоларын курдук “Күһүҥҥү киһи күлбүтүнэн”  диэн этиилээх, оҕолор дэлэй аһы бэлэмнээн күрэххэ кытталлара. Билигин бу сырыыга “Мисс осень-2020” күрэххэ 6-11 кылаас оҕолоро кытыннылар. Кинилэр хаартыскаҕа илэ бэйэлэринэн түһэн,күһүнү көрдөрдүлэр. Манна кылаастан  кыттар оҕо  бэйэтэ төһө фантазиялааҕа, толкуйа, сатабыла , көрүүтэ  улахан  оруолу ылар. Ол курдук, 6-с кылаастан  Гаврильева Анита, 7-с кылаастан Николаева Таня, 8-с кылаастан Доланова Иванна,  9-с кылаастан Слепцова Руслана, 10-с кылаастан Аммосова Валерия уонна 11-с кылаастан  Санникова Фаина  кыттыыны ыллылар. Оҕолор бэлэмнэммиттэрэ аһаҕастык көстөр, ол курдук  күһүнү санатар араас матырыйаалы туттубуттара ,айылҕа араас көстүүтэ, айылҕаҕа хаартыскаҕа түһээһин, уобараһы арыйыы о.д.а.көрүҥнэри көрдөрбүттэр. Бу күрэҕи учууталлар сыаналаатылар.

Дьүүллүүр сүбэ көрүүтүнэн биэс көрүҥҥэ араардылар, ол курдук: тематыгар сөп түбэһэр, бэйэтин фантазията, эбии туттубут матырыйаала, (компьютернай графика, интернеттэн туһаныы о.д.а) уобараска киирии, оригинальнаһын тэҥнээһин. Дьүүллүүр сүбэ түмүгүнэн, элбэх очукуону ылан, үрдүкү кылаастарга  11 кылаас үөрэнээччитэ Санникова Фаина эрэллээхтик бастаата. Оттон  ортоку кылаастарга 7-с кылаас үөрэнээччитэ Николаева Таня бастаата. Кинилэртэн биһиги туох санаалаахтарын ыйыталастыбыт. Күрэх кыайыылааҕа С.Фаина санаатын атастаһар: “Хаартысканан түһэн кыттар олус үчүгэй, интириэһинэй эбит. Мин                                                          “Мисс осень- 2020”  буоллум, онон  үөрүүм  улахан. Атын да кыттааччылар  оригнальнай баҕайытык оҥостубуттар.”  Н.Таня:  “Мин бу көстүүммүн ийэбин кытта бииргэ оҥорбуппут.” — диэн, бэрт элбэх араас матырыйаалы туттан оҥоһуллубут көстүүмүн  кэпсиир. Ити курдук, оҕолор санааларын этэн,кэлэр күһүҥҥэ өссө маннык күрэхтэр буолуохтарын баҕараллар.

Бу нэдиэлэҕэ ыытыллыбыт “Биһиги табаҕы утарабыт.” диэн күрэххэ, оҕолор уруһуйдарын куонкуруһа буолла. Кылаас аайыттан элбэх оҕо кытынна. Ордук, үчүгэй ис хоһоонноох уруһуйдарынан, бастакы миэстэни ылла 5-с кылаас үөрэнээччитэ Рожина Золотина, иккис миэстэ Николаева Таня сэттис кылаас үөрэнээччитэ, үһүс  миэстэни Рожина Лаура  5-с  кылаас уонна Аммосова Сильвия 6-с кылаас үөрэнээччилэрэ ыллылар. Аны хас биирдии кылаас Ийэ күнүгэр бэлэмнэнэр. Оҕолорго ситиһиини баҕарабыт.

            Биэриини бэлэмнээтэ “Эдэр суруналыыс”куруһуогун  чилиэнэ Доланова Иванна, 8-с кылаас үөрэнээччитэ.

 

Мисс осень- 2020”- күрэх