Чөл олох күнэ

Быйылгы 2020-2021 үөрэх сылын П.Н.Николаев аатынан Силээннээх орто оскуолата 75 үөрэнээччилээх, 18 педагогтаах, өр сылларга физкультура учууталынан үлэлээбит,үрдүк категориялаах Давыдов Александр Александрович саҥа оскуола директорынан анаммыт салайааччылаах көрүстэ.

Билии күнүн биллэрин курдук, саҥа аан бастаан оскуола боруогун атыллаан киирбит 1 кылаас үөрэнээччилэрэ ( Кылаас салайааччыта Дьячковская Ю.С.)уонна 11кылаас быйылгы үөрэҕи бүтэрээччилэрэ (Кылаас салайааччыта Петрачук Д.Г.) көрүстүлэр.Маҥнайгы кылааска аҕыс оҕо үөрэнэ киирдэ,ааспыт үөрэх дьылыгар аҕыс үөрэнээччи бутэрбитэ. Быйылгы үөрэх сылын үс выпускник бутэрээри сылдьар.

Саҥа үөрэнээччилэргэ спонсордар Слепцова Пелагея Петровна, Усуйаана улууьун волонтердарын салайааччыта, ону тэҥэ “Янзолото”тэрилтэ үөрэх араас тээбириннэрин, кыаммат ыаллар оҕолоругар бэлэх ууннулар. Кинилэргэ биһиги улахан махталбытын тиэрдэбит.

Сылын аайы ыытыллар тэрээһиҥҥэ, чөл туруктаах буолуу күнүгэр элбэх оҕо уруһуй куонкуруһугар кыттан,кыайыылаахтар грамотанан наҕараадаланнылар.Ол иһигэр 1 миэстэ алын кылаастарга : Ефимова Карина-,2 миэстэ- Аммосов Александр,3 миэстэ- Аммосов Борислав 4 кылаас үөрэнээччилэрэ буоллулар. Ортоку кылаастарга: 1 миэстэ- Рожина Золотина,(5 кылаас), 2 миэстэ-Аржаков Леонард( 6 кылаас),3 миэстэ-Петров Алексей(6 кылаас) үөрэнээччилэрэ ыллылар.

8-с кылаастартан : 1 миэстэ Даланова Иванна,2 миэстэ Кычкина Елизавета,3 миэстэ Николаева Татьяна, (7 кылаас),үрдүкү кылаастан: 1 миэстэ Васильева София,(9 кылаас), 2 миэстэ -Аммосова Наина (10 кылаас) миэстэҕэ тигистилэр.

Бу ыытыллыбыт тэрээһин хайдах барбытын туһунан,оҕолор санааларын үллэстэллэр. “Чөл олоҕу туох куһаҕан дьаллык буортулууруй?”-диэн ыйытыыга эмиэ хоруйдаатылар. Р.Золотина (5 кылаас):”Тэрээһин олус үчүгэй, аныгыскы сылга өссө кыттыам”.С.Ярик (5 кылаас):”Кэлэр сылга өссө кыттыам уонна 1 миэстэ ылыахпын баҕарабын”.

Р.Лаура (5 кылаас): “Бу күнү мин, арыгылаабат, табахтаабат дьон күннэрэ диибин”..

Г.Анита (6 кылаас):”Дьоннор арыгы испэтинэр,табах тарпатынар бары өйдөөх буоллунар. Аныгыскы сылга өссө кыттыахпын баҕарабын”.

А.Леонард (6 кылаас):”Арыгы испэт,табах тардыбат,спордунан дьарыктанар киһи — ол доруобай киһи дии саныыбын”.

Е.Янита (6 кылаас): “Дьон арыгылаабатын,табахтаабатын ,кинилэр олохторугар куһаҕаннык охсуллар.” Р.Ратмир (6 кылаас): “Наркотик, арыгы,табах –мин санаабар улахан буортулаах,куһаҕан дии саныыбын”.

Е.Роберт (5 кылаас): “Табах,арыгы саамай буортулаахтар.Спорт саамай наадалаах,онон спордунан дьарыктаннынар.”

Д..Иванна.(8 кылаас): “Биһиги бэркэ өйдүүбүт арыгы,табах,наркотик улахан буортулаахтарын,ол иһин бу маннык тэрээһиннэр буоллаллара олус наадалаах,инникитин туһалаах буолуо дии саныыбын”.

А.Наина (10 кылаас): “Бу ыытыллыбыт тэрээһини , мин сөбүлээтим, оҕолор наһаа үчүгэйдик кырааскалаан уруһуйдаабыттар. Аны кэлэр сылга өссө да,үөрүүнэн кыттыам дии саныыбын ”.

Ити курдук оҕолор бэйэлэрин санааларын этинэн, чөл олох күнүн бэртик атаардылар. Аны Саха Өрөспүүбүлүкэтин судаарыстыбаннаһын күнүн бэлиэтээн кылаас чаастара ыытыллаллар.Бу бэлиэ күн 1990с. судаарыстыбаннай сувернитет ылыллыбыта,мантан ыла өрөспүүбүлүкэбит саҥа кирбиигэ үктэммитэ.

Ыстатыыйаны бэлэмнээтилэр “ Эдэр суруналыыс” куруһуок чилэннэрэ:

Даланова Иванна, Кычкина Елизавета 8 кылаас үөрэнээччилэрэ.

День трезвости