Иллээх дьиэ кэргэн-истин сыһыан
Бигэ дьиэ кэргэн-бө5ө тирэх
Мааны дьиэ кэргэн -дьоһун олох
Дьоллоох дьиэ кэргэн –үрдүк үөруу.

Диэн ырыа доҕуһуолунан Силээннээх орто оскуолатыгар «Дьиэ кэргэннэ оҕону иитии бастыҥ холобурдара» диэн уопсай төрҕппүттэр мунньахтара 51 сыл бииргэ олорбут Юлия Ивановна, Христофор Павлович Ефимовтар иһирэх ырыаларынан саҕаланна.

Мунньахха киири тылы оскуола директора Елена Петровна Батюшкина Аан дойдуга бэлиэтэнэр дьиэ кэргэн күнүнэн эҕэрдэтинэн саҕаланна уонна мунньах барылын билиһиннэрдэ:

  • Оскуола администрацията кылгастык 2017-2018 уөрэх сылыгар былааннаммыт үлэ туолуутун билиьиннэриитэ;
  • 1-11 кылаас салайааччылара нэьилиэккэ олорор бастын дьиэ кэргэттэр оҕону иитиигэ опыттарын презентациялаан көрдөруөхтэрэ;
  • НОКОУ анкетатын толоруу;
  • Араас боппуруостарга эппиэттээьин

Бастакы боппуруоска оскуола директора Е.П. Батюшкина оскуола МТБ базатын бөгөргөтуу туьунан, директоры ФГОСка солбуйааччы Климовская Н.И.быйылгы ВПР түмүктэрин, ырытыытын, директоры уөрэх чааьыгар солбуйааччы ОГЭгэ, ЕГЭ гэ бэлэмнэнии хаамыытын, барыллаан ыытыллыбыт хонтуруоллар тумүктэрин, ВсОШ муниципальнай этабын түмүгүн билиһиннэрдэ, педагог-психолог Степанова Ж.Н. сылга иккитэ ыытыллар МПЗ түмүктэрин, ыытыллыбыт Квест оонньуу сыалын-соругун, директоры иитэр улэгэ солбуйааччы иитии улэтин 6 хайысхатынан ханнык тэрээьиннэр барбыттарын кэпсээтэ, бары иьитиннэриилэр электроннай презентация көмөтүнэн көрдөрүллэн барыта тиийимтиэ, өйдөнүмтуө буолла.

Иккис боппуруоска кылаас салайааччылара бастын дьиэ кэргэттэр огону иитиигэ бастын опыттарын презентациялааһын олус интириэһинэй буолла:

  • 1 кылаас салайааччыта Дьячковская Мария Васильевна 51 сыл бииргэ олорбут Ю.И. уонна Х.П. Ефимовтар дьиэ кэргэттэрин опытын презентациялаата, манна Ефимовтар бэйэлэрэ кэлэн кэпсээбиттэрэ олус интириэһинэй буолла, манна дагатан эттэххэ бу дьиэ кэргэн кыыстара Алена медик идэлээх, билигин Мирнэй куорат сис ыалын ийэтэ, улахан сиэн Красноярскай куоракка студент, кыралар оскуола уөрэнээччилэрэ бары уөрэх туйгуннара, утум салганар эбит, Алена бэйэтэ эмиэ уөрэх туйгуна этэ.
  • 2 кылаас салайааччыта, Россия уопсай уөрэхтээьинин туйгуна Ю.С. Дьячковская 91 саастаах ийэ, эбээ, хос эбээ Рожина Екатерина Афанастьевна туьунан кэпсээтэ, бу дьиэ кэргэннэ сүрүн ирдэбилинэн куннээҕи режими тутуһуу, киэһэ аһылыкка бары бииргэ аһааьын, үлэнэн иитии холобурдара эбит, 4 оҕотуттан 3тэрэ бары үрдүк үөрэхтэнэн, үлэлээн хамсаан Россия профессиональнай үөрхтээьинин бочуоттаах үлэьитигэр тиийэ үүммүттэрин биир дойдулаахтаахтара сэҥээрэ иьиттилэр.
  • 3 кылаас салайааччыта Климовская Н.И. Герой ийэ Потапова Мария Иннокентьевна оҕолорун , сиэннэрин сырдатта, бу дьиэ кэргэн оҕолоро учууталлар, экономистар, бухгалтердар, салайар үлэьиттэр буолан үлэлии хамсыы сылдьаллар, кырдьагас ийэ оҕону кэргэнниилэр бэйэ-бэйэлэригэр истин сыһыаннара уонна үлэгэ үөрэтии улахан суолталааҕын бэлиэтээбит.
  • 4 кылаас салайааччыта51 сыл бииргэ олорбут К.М. уонна А.Г. Гаврильевтар дьиэ кэргэттэрин опытын презентациялаата, бу дьиэ кэргэн оҕолоро, сиэннэрэ бары үөрэхтэнэн Республика сайдыытыгар үлэлии-хамсыы сылдьаллар, ол курдук сиэннэр Гаврильева Светлана, Гаврильев Вячеслав , Гаврильева Клавдия юридическай үрдүк үөрэги бүтэрэн үлэлии сылдьаллар эбит.
  • 5 кылаас салайааччыта эдэр математика учуутала Белолюбская Ю.Г. оҕону үлэнэн ииппит Белолюбскайдар дьиэ кэргэттэрин опытын сырдатта, ол курдук олох кыра эрдэхтэриттэн эһээлэрин Ефимов А.П. уонна эбээлэрин Аммосова Д.Н. батыһыннара сылдьан от-мас үлэтигэр уьуйбуттарын кэпсээтэ, ийэлээх аҕа А.А. уонна Г.С Белолюбскайдар бу утуму салгаан үлэгэ үөрэппиттэрэ уолаттар Алексей АК «Алроса» , Николай ООО «Янзолото» бастыҥ үлэьиттэрэ бульдозеристар буолбуттара элбэҕи этэр, оҕолор бары үөрэнэн олоххо миэстэлэрин булуналлар.
  • 6 кылаас салайааччыта эдэр саха тылын учуутала Аверьянова А.В. нэһилиээккэ чөл ологу өрө туппут, улэннэн дьолломмут Мария Константиновна уонна Христофор Афанасьевич Слепцовтар тустарынан кэпсээтэ, оҕолор , бары идэ ылан, үтүө суобастаахтык үлэлээн , үлэлэрэ үрдүктүк сыаналанан үгүстэрэ бочуоттаах сынньалаҥҥа олороллор, онтон сиэннэр, хос сиэннэр үлэ үөрэх үөьугэр сылдьаллар, утумнааһын, удьуордааһын салҕанар.
  • 7 кылаас салайааччытаэдэр физика, информатика учуутала Соловьева Н.А. төрөппут, 4 ого ийэтэ Аммосова Галина Прокопьевна кыргыттара Лена Таатта банк отделын начальнига, Виталина улус балыыьатын бастын невролог бырааьа, Динара Республикага ыытыллыбыт «Лучший учитель , применяющий ИКТ на уроке» курэх кыайыылаага математик идэлээх, соҕотох уол Киняз СВФУ ны бутэрээри сылдьар. Галина Прокопьевна оҕону кытта тэннээгин курдук сыьыаннаьан ийэ уонна оҕо икки ардыгар истин сыьыаны үөскэтэн уонна кинигэ ааҕыыны сэҥээрдэ үөрэтэн, режимы тутуьуннаран ииппитин кэпсээтэ.
  • 8 кылаас салайааччыта, эдэр учуутал, Молодая Гвардия актыыбынай чилиэнэ А.Д. Никулина Раиза Романовна уонна Петр Христофорович 4 оҕолоох дьиэ кэргэн оҕону иитигэ бэйэлэрин санааларын үллэстибиттэрин презентанциялаан көрдөрдө, бу дьиэ кэргэннэ куннээги режим, кинигэ ааҕыы, оҕоҕо истин сыьыан эйгэтэ тэриллэр эбит, ол туоһута ииппит сиэнэ Анастасия оскуоланы үрүн көмус мэтээлинэн бүтэрэн билигин ХИФУ математика институтын 2 курсун бастыҥ студенката.
  • 10 кылаас салайааччыта, нэһилиэк мунньагын бэрэссэдээтэлэ, депутат А.А. Давыдов Пелагея Васильевна, Егор Васильевич Батюшкиннар оҕолорун, сиэннэрин туһунан кэпсээтэ, сиэннэр бары үрдүк үөрэхтэнэн үлэ хамнас дьоно, манна кырдьаҕас ийэ куннээги режими тутуһуннарыы, аҕалара олохтообут кинигэ ааҕыытын культурата, оҕону ыалга сырытыннарыы –оҕо иллэн кэмин сыыһа атаарыыта диэн өйдөбулэ. А5а оруолун үрдүктүк тутуу буоларын бэлиэтээбитин кэпсээтэ, сиэннэр олох араас эйгэтигэр менеджердар, психологтар, юристар, инженердар, банкирдар, журналистар, экономистар үлэлии хамсы сылдьаллар эбит.
  • 11 кылаас салайааччыта Россия уопсай үөрхтээьинин бочуоттаах үлэһитэ, Саха Республикатын үөрэгириитин туйгына, Учууталлар учууталлара Дьячковская Лена Васильевна, дьылга хаан ыйаагынан огдообо хаалбыт 3түү оҕолоох Софья Петровна Колосова уонна Иннокентий Гаврильевич Попов дьиэ кэргэттэрин оҕону үлэнэн иитэн истин эйгэни тэрийбиттэрин туһунан олус итэгэтиилээхтик кэпсээтэ, бу дьиэ кэргэн бэйэлэрин оҕолорун сэргэ аймахтарын, табаарыстарын оҕолорун, бэйэлэрэ оҥостубут сайылык сирдэригэр Сатахха окко-маска уьуйбуттарын, огуруот үүннэрэ, балыктааһын дьоҕуругар угуйбуттара олус кэрэхсэбиллээх, оҕолор бары үөрэхтэнэ Республикабыт араас муннуктарыгар үлэлии, айа-тута сылдьаллара кэрэхсэннэ.
    Улуу педагог этэн турар, «Бары дьоллоох дьиэ кэргэттэр майгыннаьаллар» диэн, ол тэҥэ бу 10 дьиэ кэргэн бары режимы тутуһуннаран, дьиэ кэргэни өрө тутан, ийэ , а5а оруолун үрдэтэн, кинигэни кэрэхсээн ииппиттэрин түмүгэр, утум салганар.

Ийэттэн оҕого таптал, сымнаҕас буолуу, өйдөһуу, өйөһуу санаалара сайдар буоллагына, аҕа иитиитэ диэн күүс-уох, бэйэгэ эрэллээх буолуу хаачыстыбалара саҕыллаллар. Бу икки өрүтү дьуөрэлээн иҥэрии булгуччулаах. Дьиэ кэргэннэ истин сыһыан, бэйэ-бэйэ5э ытыктабыл холобурунан ийэ уонна а5а буолаллар, оҕолор дьоннорун майгыларын, үлэлэрин үтүктэргэ дьулуһаллар, онтон сиэттэрэн утумнааьын уонна удьуордааьын салҕанар.

Түмүктээн эттэххэ, бу мунньах идеятын психологическай месячник күьүнну этабыгар эдэр төрөппүттэртэн киирбит идеяга олоҕуран ыытта, манна кинилэр уопсай мунньахха тугу интириэһиргээн истиэ этигит диэн боппуруоска, нэһилиэккэ олорор, эбэтэр олорон ааспыт бастын дьиэ кэргэттэр оҕону иитиигэ опыттарын истиэхтэрин баҕаралларын эппиттэрэ, ол баҕа санааны оскуола социально-психологическай службата, иитии үлэтин тэрийэр салаа уонна оскуола төрөппүтүн комитетын бииргэ үлэлээһиннэрин түмүгэр сүрдээх дириҥ ис хоһоонноох тэрэһиҥҥэ кубулуйда.

Дьоллоох дьиэ кэргэн-үрдүк үөруу